منزّلة نباتية (صياميّة)

رابط الوصفة على إنستغرام
المقادير
  • 3 ملعقة كبيرة زيت زيتون
  • 1 كوب (125 غرام) بصل مفروم
  • 3 فص ثوم مهروسين مع 1/2 م.ص ملح
  • 1 كوب وربع (200 غرام) حمص مسلوق
  • 3 حبّات (500 غرام) بندورة مقشرة ومقطعة
  • 2 ملعقة صغيرة ملح
  • 1/4 ملعقة صغيرة فلفل اسود (او اكثر حسب الرغبة)
  • 1.5 كوب ماء (لتذويب ربّ البندورة)
  • 1/4 كوب معجون الطماطم
  • 2 حبة وسط كوسا (زوكيني) (مع القشر)
  • 2 حبة وسط باذنجان (مع القشر)
  • 3 حبة بطاطا (600 غرام)
طريقة التحضير
  1. على النار، بمقلاة كبيرة، نضع زيت الزيتون – ومنشوّح البصل فيه. حتى يذبل البصل ويبلّش يميل لونه للذهبي.
  2. نضيف الثوم المهروس لمدة دقيقة.
  3. نضيف عليهم البندورة – ونقلّبهم مع البصل والثوم لحد ما تذبل البندورة وتنزل المي منها.
  4. نضيف الملح والفلفل الأسود ونخلطهم سوية
  5. نغطّي الطنجرة لمدة 5 دقائق.
  6. نضيف الحمّص المسلوق وربّ البندورة المذوّب بالماء – ومنخلّيهن على نار واطية يتسبّكوا شوي.
  7. نضيف باقي الخضار – البطاطا، الكوسا والباذنجان – منقلّبهم سوا وبس يغلوا، منغطّي الطنجرة ومنوطّي النار (نار متوسّطة) – لحد ما يستوا! تحتاج تقريبًا نصف ساعة لحد ما تستوي الطبخة.
    🔺ملاحظات:
    - نحرّك من وقت للتاني تحريك خفيف –
    - ممكن أن نذوق ونضيف ملح - حسب الحاجة.