برغل خشن
بصل أخضر
نعناع أخضر/ ناشف
بقدونس
كزبرة خضراء
بندورة (قطع صغيرة)
دبس البندورة (استعملت دس بيتي مجهّز على الحطب)
زيت زيتون
ملح
عصير ليمون
(ما في مقادير محددة .. قد ما بتحبّوا تضيفوا من كل مركّب ضيفوا 🤩 حسب الرغبة).
1️⃣ نضيف للبرغل (المغسول والمنقوع والمصفّى من الماء) قطع البندورة، البقدونس المقطّع، الكزبرة المقطعة، النعنع، البصل الأخضر المقطّع، دبس البندورة، زيت الزيتون والملح
2️⃣ نحرّكهم سوية، ثم نضيف لهم عصير الليمون.
3️⃣ "الخليط" جاهز للحشي أو لتناوله كما هو كسلطة ..
بدي أحكيلكو كيف طلع معي هاد الاسم وشو صار معي يومها!
🥗 ع أساس بدي أعمل محشي كوسا بس يكون بحشوة نباتية بدون لحمة – فعملت الحشوة وحشيت الكوسا .. وحطيته ع النار. بس من الحشوة ضل كمية أكبر من شو احتجت للحشي .. فدقتها، ومش بس حبيتها، انما اغرمت فيها .. هههه لدرجة انه طلعت أطيب من انها تكون مطبوخة كجزء من الكوسا المحشي ..
أكلتها كسلطة .. طعمها كان رهيب .. وعنجد برجع بعيدها لكمية أكبر كسلطة رئيسية على مائدة الطعام 💚👌🥗