1/2 1 كوب حبوب الحمّص المسلوق
1 حبة أفوكادو كبيرة (مستويّة)
1/4 كوب كزبرة طازجة مفرومة
2 ملاعق كبيرة بصل أخضر مفروم
1 ليمونة معصورة
الملح - حسب الرغبة
الفلفل الأسود – حسب الرغبة
خبز من الحبوب الكاملة (في حال بدكو تعملوا ساندويش)
إضافات للساندويش: أوراق السبانخ الطازجة/ الخس/جرجير، شرائح الطماطم/خيار ، المستنبتات وغيرها ..
1️⃣ نسلق الحمّص بعد نقعه ليلة كاملة.
2️⃣ في وعاء متوسط الحجم، باستخدام شوكة أو أداة هرس البطاطا، نهرس الحمص والأفوكادو معًا.
3️⃣ نضيف الكزبرة والبصل الأخضر وعصير الليمون. ثم نضيف الملح والفلفل الأسود – حسب الرغبة.
4️⃣ في حال قرّرنا تناول السلطة في ساندويش: ندهن السلطة على الخبز ونضع فوقها الإضافات المفضلة لدينا. أبدعوا 🥰💃
ألف صحة وهنا ..
جرّبتوا تخلطوا مرة الافوكادو مع حبوب الحمص وتهرسوهن سوا؟
🥑 سلطة الأفوكادو والحمص المهروس ممكن تكون بديل صحي وولا أطيب لسلطة البيض .. في حال بدنا بديل خضري بدون بيض ..
اقتراحات لكيف توكلوا السلطة:
1️⃣ ممكن تكون بساندويش مع مستنبتات، جرجير، سبانخ وحتى كمان شرائح بندورة .. يامي يامي 😋
2️⃣ ممكن تستعملوها ك- dip تغمسوا فيها الخضار/ رقائق الخبز/ ..
3️⃣ او كسلطة جنب أي شيب تحبوه .. متل بيض مسلوق/ عجة 🤩
بالفيديو عرضت اقتراح لكيف ممكن توكلوا هاي السلطة 😋.
🥑 أنا جرّبتها .. وأدمنتها .. "سلطة" طيبة كتييير كتيير .. غنيّة بالقيم الغذائية .. لأننا عم نحكي عن الأفوكادو بالأساس كمصدر للدهون الصحية (اللي كمان بشبّع لوقت أطول) وكمان عنا الحمّص المسلوق الغني بالألياف والبروتين النباتي.