نصف كوب عدس بني
نصف كوب أرز كامل
زيت زيتون
١ بصلة بحجم كبير
ملح
فلفل أسود
كمون
اول مرة بعملها بأرز 🤩 .. عادة ببرغل 😋
▪️بس نقعت بالاول الارز لنص ساعة وصفيته من الماء
▪️كنت ناقعة العدس من مبارح بالليل مع تغيير الماء
وعلى النار سلقت العدس وقت ما بلشت احضّر الوجبة لمدة ١٠ دقائق.
▪️ع النار بطنجرة تانية، حطيت البصل مع زيت زيتون وشوية ملح .. لحد ما تغير لون البصل لبني (بس طبعا مش محروق 😅).
▪️ضفت عليهن العدس وقلّبتهن
▪️وبعدين أضفت الارز وقلبتهن سوا
▪️وحطيت ملح وفلفل اسود وكمون
▪️وبعدين أضفت المي المغلية (حوالي ٢ سم ارتفاع الماء فوق العدس والارز) .. خليته يغلي
▪️ وبعدها وطيت تحته النار ع الاخر وغطيته ❤
▪️وطفيت تحت الطنجرة النار لما نشفت المي بالطنجرة ..
طبعًا في كتير طرق تانية لتحضيرها .. بس هيك عملت وطلعت مشهية ..
ممكن تقلوا كمان بصل شرائح وتزيّنوا فيهن المجدرة بعد ما تجهز 👌😋