المقادير
- 500 غرام معكرونة (انا بستعمل معكرونة من طحين الحنطة الكامل/ العدس الأحمر/ الكينوا) – اختار اللي بتحبه 😍
- صدر دجاج – انا بعمل كتير لحتى استعمله في اليوم التالي مع سلطة 🥗
تتبيلة الدجاج: - زيت زيتون
- ملح
- فلفل أسود
- بودرة الثوم
- بابريكا حلوة
- بقدونس مجفّف
.
🍝 صلصة الباستا: - 1 بصلة متوسّطة الحجم مفرومة\
- 1/2 حبّة فليفلة حمراء مفرومة
- 3 فصوص ثوم مفروم (شرائح)
- 200 غرام صلصة بندورة (ممكن جاهز وبدون إضافات أو تحضيره بالبيت) – ممكن أكتر إذا بتحبّوا تكون تميل للأحمر اكتر.
- 400 ملل كريمة جوز الهند
- 1 ملعقة صغيرة اوريغانو/ ريحان مجفّف
على الوجه: - جبنة البارميزان
- بقدونس خضراء (حسب الرغبة)
طريقة التحضير
- نخلط توابل الدجاج في وعاء صغير ليصبح لدينا خليط متجانس.
- على صدور الدجاج – في وعاء كبير، نضع عليهم القليل من زيت الزيتون، من كل جهة، ثم نضيف خليط التوابل ونوزّع التوابل بشكل متساوي على صدور الدجاج من كل الجهات.
- داخل مقلاة كبيرة نضيف زيتون الزيتون، ونشغّل النار على درجة حرارة عالية، ثم نضيف صدور الدجاج المتبّلة بزيت الزيتون والتوابل، ونطبخهم ونحمّرهم على نار عالية بكل جهة.
- بعدما يستووا صدور الدجاج، نضعهم جانبًا.
- في نفس المقلاة، نضيف البصل المفروم، وبعدما يتغّير لونه نضيف له الفلفل الأحمر. نطبخهم سوية ومن ثم نضيف الثوم (بس ما صوّرت هالمرحلة)، وبعد ذلك نضيف صوص البندورة ونطبخه لمدّة دقيقتين مع التحريك المتكرّر.
- نضيف عبوة كريمة جوز الهند ونحرّك كل المركبات سوية – ونتركهم على النار حتى يصبح الخليط كثيفًا نوعًا ما. ونضيف أيضًا الاوريغانو/ الريحان المجفّف.
- في هذه الأثناء نحضّر الباستا وفقًا لتوجيهات الشركة.
- نضع الباستا في وعاء الصلصة – ونخلطهم سوية.